«
»

Solvencia

A quebra da empresa do presidente da patronal española foi a puntiña para un ano no que os brotes verdes que anunciaba a vicepresidenta Elena Salgado parecen terse queimado coas xeadoras cifras que cada mes dan as estatísticas.  Gerardo Díaz Ferrán foi con todo nos últimos meses esa voz crítica nun diálogo social que se afixo á foto amable durante os días de viño e rosas. As súas reiteradas demandas de flexibilización laboral, que incluían unha reforma na indemnización por despido, acabaron por calar non só na propia Ceoe, senón ata nalgúns sectores da sociedade, e ata dá a impresión de que fixeron dubidar ao Goberno, que ao final decidiu non tocar o tema no seu proxecto de lei de economía sostible. Claro que aínda que se sabía da delicada situación das empresas de Díaz Ferrán, non era previsible o concurso de acredores de Air Comet, a quen o Ministerio de Fomento xa retirou a licenza de liña aérea.

Iso si, por moito que os seus compañeiros de patronal o defendan, os días de Díaz Ferrán á fronte da Ceoe deberían estar contados. Senón, só un país de conto podería asumir que o patrón de patróns sexa agora mesmo tan solvente coma un décimo de lotería sen premiar.

Tags: , ,

Esta entrada se publicó el Venres, 25 de Decembro , 2009 a las 19:14 pm y está clasificada en economía. Puedes seguir las respuestas a través de el feed RSS 2.0. Both comments and pings are currently closed.

28 Comentarios a “Solvencia”

  1. XBP
    29 de Decembro , 2009 - 20:02 pm

    Si os que venden billetes de avión sin combustible, os que presentan en duas entidades bancarias o mesmo aval para un préstamo, os que se comprometen a pagar atrasos salariales con pagarés sin fondos; son os mismos que representan a clase empresarial española é para pedir asilo politico no Nepal ( con perdon para os nepalís).¿ Esta xente podrá sentarse a negociar tratados comerciais internacionais, con seridade en representación deste pais?. ¿ Que imaxe?.
    A clase empresarial – é asi-, utilizando o cargo para coller subvencións de gran calado, sin riesgo patrimonial personal de ningún tipo.
    Desde logo que os Governos de José Maria Aznar cunha aportación de 995000000 de euros e o Governo de Esperanza Aguirre 330000000 de euros as empresas de este Sr. terian moito que decir.
    A incobrabilidade dos prestamos vaí ser o colmo, sobre de todo o de Caixa Madrid, onde este Sr. era xuiz e parte. Logo o Sr. Feixóo querenos endosar no novo regramento de “caixas” a individuos destas caracteristicas no consello de administración das futuras “caixas”,- como para non velo-.