Tren do pasado
Martes, 2 de Setembro, 2008En Monforte de Lemos están a celebrar estes días o 125 aniversario da inauguración da súa estación de ferrocarril e a súa vez a posta en marcha da línea Palencia-A Coruña, a primeira que se abría entre Galicia e a Meseta. Unha placa recorda desde o domingo a efeméride, aínda que vendo o progresivo desmantelamento vivido pola veterana estación ben poderían terlle posto unha lápida funeraria, pois dende que hai anos se decidira que o AVE entraría a comunidade por Ourense, a cidade do Cabe viu como as súas esperanzas de recuperar o esplendor ferroviario se esfumaban.
Pero como estes días o que se trata é de celebrar, pois os organizadores dos actos ata convenceron a Renfe para que lles trouxese un adianto do que será o futuro tren rápido e así o desfile de locomotoras de diferentes épocas incluíu un Alvia dos chamados ‘patito’, que cubren os traxectos de alta velocidade entre Madrid e Valladolid, e que poden chegar a circular a 250 kilómetros por hora, aínda que non desde logo polas vías galegas.
Pero o tren do futuro, ese que o Goberno nos asegura que chegará a Galicia no 2012, aínda é só un soño para os galegos, mentres que outros cidadáns de Madrid, Castela, Andalucía, Aragón ou Cataluña xa disfrutan dende hai anos da súa comodidade e rapidez. Haberá que confiar logo en que a promesa se cumpra, aínda que de momento os galegos somos tan coitadiños que nos conformamos con ver pasar a modernidade dende o anden nun domingo de celebracións. Mira que somos boa xente.
Pero como estes días o que se trata é de celebrar, pois os organizadores dos actos ata convenceron a Renfe para que lles trouxese un adianto do que será o futuro tren rápido e así o desfile de locomotoras de diferentes épocas incluíu un Alvia dos chamados ‘patito’, que cubren os traxectos de alta velocidade entre Madrid e Valladolid, e que poden chegar a circular a 250 kilómetros por hora, aínda que non desde logo polas vías galegas.
Pero o tren do futuro, ese que o Goberno nos asegura que chegará a Galicia no 2012, aínda é só un soño para os galegos, mentres que outros cidadáns de Madrid, Castela, Andalucía, Aragón ou Cataluña xa disfrutan dende hai anos da súa comodidade e rapidez. Haberá que confiar logo en que a promesa se cumpra, aínda que de momento os galegos somos tan coitadiños que nos conformamos con ver pasar a modernidade dende o anden nun domingo de celebracións. Mira que somos boa xente.