Somos unha reserva

O oso pardo atropelado esta semana na autovía A-6 acabounos de confirmar que a provincia de Lugo estase a consolidar como terra de acollida. Pero non de inmigrantes, porque o número deles que chegan ata acó é irrisorio comparado cos doutras zonas do Estado, nin tampouco de emigrantes retornados, que prefiren asentarse nas cidades da franxa atlántica. Aquí o único aumento de censo que estamos a rexistrar é o dos animais salvaxes.
E aínda que a maioría dos lugueses, sobre todo os da zona rural, ben poderían ser catalogados como ecoloxistas, pois son moitos os que crían ou criaron animais e polo tanto saben o que é terlles cariño e protexelos, aqueles que aínda viven nas aldeas da montaña non están para nada dacordo en cederlles terreo ás bestas. Din que o seu gando está en perigo e non hai axudas dabondo cando se producen ataques de alimañas e tamén consideran que a protección de zonas para permitir o asentamento destes animais afecta ao desenvolvemento das súas explotacións agropecuarias.
E por se esto fora pouco, a partir de mediados de outubro moitos veciños do rural teñen que pecharse as fins de semana nas súas casas, con portas e fiestras ben trancadas para resgardarse doutra especie que está a meterlles o medo no corpo con actuacións ás veces irresponsabeis. Falamos do cazador domingueiro.
Por iso non é de estranar que de aquí a uns anos algunhas zonas da provincia de Lugo acaben convertidas en reservas de caza ou en parques naturais nos que a especie humana só será visible en forma de turistas de todoterreo. Claro que estes amantes da natureza tampouco poderán nin siquiera aloxarse en hoteis ou albergues, pois as poucas instalacións que ata agora había como a do Club Ancares ubicada en Degrada está pechada logo de que ninguén se queira facer cargo do seu mantemento.
Este mesmo verán estiven nese albergue logo de 25 anos de  visitalo por primeira vez e a pesares de ter unha situación privilexiada, moi preto do famoso pico Tres Bispos, puiden comprobar como a falta de interés por sacarlle partido a unha riqueza natural como son os montes de Lugo pode acabar por facer esmorecer a toda unha comarca.
En definitiva, seica voz xa se correu entre toda a fauna da Cordilleira Cantábrica e xa son moitos os animais que están camiño deste novo santuario para a ecoloxía. Os amantes da natureza seguro que celebran esta nova, pero haberá quen algún día se lamente por exemplo de que ardan os montes por falta de mantemento, de que non haxa nenos para manter abertas as escolas rurais ou de que os maiores teñan que marchar das súas casas por falta de servizos de asistencia. Daquela Lugo será só noticia para a ‘National Geographic’.

Tags: , , ,

4 Comentarios a “Somos unha reserva”

  1. Pablo S.

    Considero que la demagogia complaciente con la incultura es el mal endémico de esta pequeña provincia con tardía vocación latifundista. Una vez más, el cuarto poder sale a hacer su trabajo. Los parques naturales protegen la actual conformación del paisaje entre otras cosas. Paisaje que no se ha creado de la nada, sino con el trabajo de la gente que ha vivido en esos espacios durante siglos. Esto deriva en biodiversidad. Las ayudas están pensadas para que se puedan seguir manteniendo actividades tradicionales, modos de vida, ya que parece claro que con el ritmo actual sí será un desierto en breve. Desierto rentable para eólicas y otros sectores que no tendrán que pagar alquileres. Eólicas que ahora pactan precios a la baja. El turismo no es la panacea, es un mal menor.

  2. Amos Trippett

    Thank you for this article. I would also like to express that it can be hard while you are in school and simply starting out to establish a long credit rating. There are many students who are simply trying to survive and have a long or beneficial credit history can sometimes be a difficult point to have.

  3. Bryon Kuy

    Thanks for your publication. One other thing is individual American states have their own personal laws of which affect house owners, which makes it very hard for the our lawmakers to come up with a brand new set of guidelines concerning foreclosure on house owners. The problem is that each state has own laws which may work in an unwanted manner on the subject of foreclosure guidelines.

  4. missuniverse2011

    I’m strongly ponder over it and also really enjoy finding out more on this content. When likely, since you gain knowledge,continue posting and happy blogging!